Qırım platforması – Ukraina tarafından başlatılğan yañı halqara mesleatlaşma ve koordinatsiya formatı. 

Platformanıñ maqsadı Qırımnıñ devam etken işğaline halqara qarşılığınıñ semereligini arttırmaq, artqan telükesizlik tehditlerine cevap bermek, Kremlge halqara tazyıqnı arttırmaq, insan aqlarınıñ daa da bozulmasınınıñ qarşısını almaq ve işğalci rejimniñ qurbanlarını mudafaa etmek ve Qırımnı işğalden azat etmek ve barışıq yolunen Ukrainağa qaytarmaq.

Platformanıñ resmiy faaliyetiniñ temeli 2021 senesi armanıñ ayınıñ 23-nde Kyivde tesis Sammitinde qoyulacaq. Sammitte, Qırım ile bağlı halqara siyasetiniñ esas parametrlerini belgileycek Ortaq beyanname qabul etilecek.

Qırım platforması,  halqara teşkilâtlar, diger halqara ükümetke bağlı olğan ve bağlı olmağan forumlar çerçivesinde Qırım mevzusında bütün mevzulı tedbirler ve teşebbüslerni imayesi altına toplamaqnı közde tuta. 

Platformanıñ faaliyeti bütün seviyelerde ömürge keçirilecegi farz oluna:

  • devlet ve ükümet başları, 
  • tış işler nazirleri,
  • parlament ve parlamentlerara assambleyalarınıñ azaları;
  • vatandaş cemiyeti ve ekspertler.
Platformanıñ esas iş saaları bulardır:
Qırım MC ve Aqyar şeerini işğal etmege ıntıluvnıñ tanımama siyaseti;
telükesizlik ve dolaşuv serbestligi;
sanktsiyalar;
insan aqlarınıñ ve halqara gumanitar uquqnıñ bozuluvı;
ekologik ve iqtisat telükeleri.

Qırım platformasınıñ uzun müddetli faaliyeti Qırımnı turğunlıq, çiçeklenüv ve insan aqlarınıñ mudafaası saasına – Ukraina ve Avropağa qaytarılması maqsadı ile bu prioritetli yöneleşlerge celp etilecek. 

Parlament meydanında, 2020 senesi ilk qış ayında Ukraina Yuqarı Radasında yaratılğan «Qırım platforması» Fraktsiyalarara birleşmesi müim yer alacaq. Fraktsiyalarara birleşmesi parlamentlerara dostluq gruppaları ve halqara teşkilâtlarnıñ parlament assableyaları çerçivesinde çalışacağı beklenile. 

2021 senesi çiçek ayınıñ 27-nde NATO Parlament Assambleyasında  Qırım platformasına destek gruppası yaratıldı. Ukraina tarafından bu gruppağa Ukraina Yuqarı Radası başınıñ birinci muavini, Ukraina-NATO Parlamentlerara Şurasınıñ reberlerinden biri R.Stefançuk, NATO Parlament Assambleyasında Ukraina Yuqarı Radasınıñ daimiy delegatsiyasınıñ başı YE.Çernev ve Reber muavini S.Bobrovskaya kirdi. NATO Parlament Assambleyası tarafından ise Ukraina-NATO Parlamentlerara Şurasınıñ reberlerinden biri Oyars Kalnınş, NATO ortaqlıq meselelerinden komitetniñ başı Karl Lamers ve NATO Parlament Assambleyasında ABD parlament  delegatsiyasınıñ başı, kongressmen Rik Larson. Bundan ğayrı, gruppanıñ oturışlarında NATO PA prezidenti D.Konnoli iştirak etecek.

Qırım platformasına destek gruppaları 2021 senesi quralaynıñ 11 ve 15-nde Litvaniya Cumhuriyetiniñ Seyminde ve Letoniya Cumhuriyetiniñ Seyminde de yaratıldı.  

Ükümetke bağlı olmağan saa, Platformanıñ faaliyeti içün malümat, taliliy ve bildirişme destekni temin etecek ukrain ve çetel mütehassıslarını, alimlerini, uquq qoruyıcılarını birleştirecek Qırım platformasınıñ Ekspert ağı tarafından temin etilecek. 

Arman ayınıñ 6-nda Ekspert ağınıñ tesis forumı olıp keçti. 

2021 oraq ayınıñ 26-nda Ukraina TİN ve Şarqiy Avropa Fondu arasında Ağnıñ faaliyetini desteklemek içün ayrı bir maliye programmanıñ başlanması ile bağlı Memorandum imzalandı.

Outdated Browser
Для комфортної роботи в Мережі потрібен сучасний браузер. Тут можна знайти останні версії.
Outdated Browser
Цей сайт призначений для комп'ютерів, але
ви можете вільно користуватися ним.
67.15%
людей використовує
цей браузер
Google Chrome
Доступно для
  • Windows
  • Mac OS
  • Linux
9.6%
людей використовує
цей браузер
Mozilla Firefox
Доступно для
  • Windows
  • Mac OS
  • Linux
4.5%
людей використовує
цей браузер
Microsoft Edge
Доступно для
  • Windows
  • Mac OS
3.15%
людей використовує
цей браузер
Доступно для
  • Windows
  • Mac OS
  • Linux