Sammit çerçivesinde Qırımnı işğalden qurtaruv meselelerini tafsilâtlıca muzakere etmek içün keçirilecek dört mevzulı panelde Qırım platformasınıñ esas noqtalarına diqqat etile: Qırım ilhaqı ıntıluvını tanımama siyaseti, sanktsiyalar siyaseti, Azaq-Qara de ñiz regionınıñ telükesizligi, insan aqları ve halqara gumanitar uquq, işğalniñ iqtisadiy ve ekologik aqibetleri. Meşur yüksek vazifeli şahıslar, siyasetçiler, ecnebiy ekspertler ve cemiyet fikirleriniñ liderleri belli mevzularda fikirlerini bir munaqaşa formatında aytıp, işbirligi yollarını ve Qırımnı işğalden qurtaruv istiqbalini beraber belgilemege tırışacaqlar.