2021 senesi 23 armanda Kiyevde Qırım platformasınıñ tesis Toplaşuvı ötkerilgen edi. 

Anda episi olıp 47 dane yabancı devlet ve teşkilat temsilcisi iştirak etken edi. Olarnıñ arasında devlet ve ükümet başları, parlament ve halqara teşkilatlar reberleri ve grajdanlıq cemiyetler temsilcileri bar edi. 

Toplaşuv, dünya toplulığınıñ Qırımnıñ Ukraina olması hususında birligini köstergen, rusiyeniñ Qırımda yapqan cinayetlerini takbih etken ve işğalden qurtuluv siyasetiniñ inceliklerini açıqlağan edi. 

Toplaşuv, Qırım platformasını resmiy şekilde başlatqan edi. Platformanıñ kendisi ise Ukraina Prezidenti Volodımır Zelenskıynıñ teşebbüsinen ve Tış İşler Nazirligi tarafından azırlanğan bir yañı uyğunlaşma ve mesleat berüv formatıdır. 

Toplaşuvda, iştirakçiler Qırımnen bağlı halqara siyasetiniñ inceliklerini açıqlağan Ortaq beyannameni tanığan ediler.