Ukraina Prezidentiniñ Qırım Muhtar Cumhuriyetindeki Vekilligi, 13 arman 2021 y. №359/2021 emrine binaen, Qırım platforması milliy Ofisiniñ vazifesini becermektedir. Qırım platforması Milliy Ofisiniñ quruluvı, Tesis toplaşuvı iştirakçileriniñ Ortaq beyannamesine köre zarur körüngen edi. Milliy ofis, Ukraina tış işler nazirliginen sıq çalışmaqtadır. Ofis, Ukrainanıñ Halqara Qırım platforması çerçevesinde qoyğan vazifelerni becermek içün analitik, mesleat berüv ve ekspert danışmanlığı kibi desteklerni temin etmekte. O, “Qırım hub” olaraq Kiyevde çalışmaqta. Orası, çeşit türlü yerini deñiştirgen Qırım devlet ve qanuniy nizam organlarınıñ, içtimaiy teşkilâtlarnıñ ve Ekspert ağı azalarınıñ bir arağa kelip uyğunlaşması içün bir meydandır. Qırım platforması ofisi aynı zamanda Kiyevniñ merkezinde yerleşken bir medeniy alandır. Anda Qırım adasınen bağlı sanat eserleri sergilenmektedir.