BMT

2014 senesi saban ayınıñ 27-nde BMT Baş Assambleyası, «Ukrainanıñ topraq bütünligi» A/RES/68/262 Qararnı qabul etti. Böylece, o, Ukrainanıñ halqara seviyede tanılğan sıñırlarında suverenitetini ve topraq bütünligini tasdıqladı, 2014 senesi saban ayınıñ 16-nda işğalciler keçirgen «Butün Qırım referendumınıñ» qanunsızlığını qayd etti. 

Bundan ğayrı, bu vesiqanıñ 6-ncı maddesinde Assambleya devletlerni, halqara teşkilâtlarnı ve ihtisas müessiselerni Qırım MC ve Aqyar şeeriniñ statusında er angi deñişmelerni tanımamağa ve böyle bir deñiştirilgen statusnıñ tanıması kibi ola bilecek er angi bir areketten ve adımdan çekinege davet etti. Böylece, BMT BA Rusiyeniñ işğali altında olğan Qırım MC ve Aqyar şeerine dair «tanımama siyasiyetini» qullandı. 

BMT BA mevamı soñraki qararlarında da tasdıqlana: 

• «Qırım MC ve Aqyar şeerinde insan aqları vaziyeti» (A/RES/71/205 19.12.2016, A/RES/72/190 19.12.2017, A/RES/73/263 22.12.2018, A/RES/74/168 18.12.2019, A/RES/75/192 16.12.2020; 
• «Qırım MC ve Aqyar şeeriniñ, Qara ve Azaq deñizleri qısmılarınıñ arbiyleştirilüvi» (A/RES/73/194 17.12.2018, A/RES/74/17  09.12.2019, A/RES/75/29  9.12.2020.