Halqara keri̇ci̇li̇k

İşğalniñ yedi yılı devamında Ukraina, yarımadanıñ ilhaq etme ıntıluvınıñ tanılmaması halqara siyasetiniñ birleştirüvinde emiyetli yeñişlerge nail oldı. 

Salâhiyetinde global ve regional telükesizlik meseleleri olğan halqara teşkilâtları, olarnıñ arasında BMT, AB, NATO, AŞ, UNESCO, OSCE Ukrainanıñ topraq bütünligini desteklemek, Qırımnıñ işğalini ayıplamaq ve ilhaq etmek ıntıluvnı  tanımamaq içün esas siyasiy qararlar qabul ettiler. 

BMT çerçivesinde, Qırım meselesinde Ukrainağa faal destek köstergen devletlerniñ halqara ittifaqı yaratıldı. Buña BMT Baş Assambleyasınıñ işğal etilgen Qırımda esas insan aqlarınıñ bozulmasını ve yarımadanıñ arbiyleştirilmesini takbih etken qararları delâlet ete. 

Ukrainanıñ esas halqara ortaqları, şu cümleden AB, ABD, Kanada, Avstraliya, Yaponiya Rusiye Federatsiyasına ve işğal etilgen Qırımnıñ başlıqlarına qarşı şahsiy ve sektor “Qırım” sanktsiyalarını qabul ettiler. Bu, işğalci devletke qarşı siyasiy ve iqtisadiy tazyıqnı temin ete ve yarımadada işğalci rejiminiñ işini mürekkepleştire. 

Halqara mahkmelerde, şu cümleden BMT Halqara mahkemesi, İAAM, Halqara cinayet mahkemesi, Deñiz uquqından Halqara mahkemesinde faal iş başlandı. 

Qırımnı işğalden azat etmek içün halqara küçlerni birleştirecek ve koordinatsiya etecek müim bir vasta halqara Qırım platforması olacaq.