Halqara şartnamelernen qorulğan şahıslarnıñ Qırım MC-niñ Vaqtınca işğal etilgen topraqlarından Rusiye Fedartsiyasınıñ topraqlarına köçürilmesi

Rusiye qanunlarına köre, bütün «terroristik davalar» «Cenübiy bölgeniñ arbiy mahkemesinde» (Rostov-na-Donu ş.) baqıla. Mahkeme tahqiqatı vaqtında mabüslerni davanıñ maiyeti baqılması içün Rusiye Federatsiyasına etap eteler, çoqusı allarda Qırımlılarnı artıq qaytarmaylar ve üküm çıqarılğanına qadar olar anda qalalar. Dava Qırımda baqılğan olsa bile, üküm quvetini alğan soñ, hususan siyasiy davalarğa kelgende, mabüslerni cezalarını çekmek içün Rusiye cezahanelerine etap eteler. Aynı zamanda olarnı olduqça uzaq alıp ketmege tırışalar. 

Misal olaraq: Oleg Sentsov– Labıtnangi, Oleksiy Sızonovıç – İrkutsk  (ekisi de 2019 senesi ilk küz ayınıñ 7-nde azat etilgen); Emir-Üsein Kuku, Ruslan Zeytulayev, ağa-qardaş Teymur ve Üzeir Abdullayevler – Salavat, Başkortostan Cumhuriyeti. Bu, faallerniñ qorantaları ile alâqalarını kesmek, mabüslerge ve olarnıñ tuvğanlarına ruhiy tazyıqnı arttırmaq içün yapıla. Ukraina vatandaşlarına qarşı bu kibi davranuv – olarnıñ Qırımdan qanunsız köçürilmesi – halqara gumanitar uquq qaidelerine köre arbiy cinayettir.