İşğal etilgen Qırım demografiyasınıñ deñişmesi

Qırım MC ve Aqyar şeeriniñ işğaliniñ ilk künlerinden başlap Rusiye işğal etilgen topraqnıñ ealisiniñ demografik terkibini deñiştirmek içün muntazam ve büyük siyaset keçire. 

Bir taraftan, işğalge qarşı olğanlarnı, ilk nevbette qavmiy ukrainler ve qırımtatarlarnı muntazam basqılarğa oğratıp, Rusiye tirene bilecek er kesni işğal etilgen topraqtan sıqıştırıp çıqara. İşğal etilgen Qırımnı tahminen 48 000 adam terk etmege mecbur oldı. 

Aynı zamanda Rusiye Federatsiyası yarımadanı faal şekilde müstemlekege çevire. İşğal vaqtında Rusiye türlü qıymetlendirmelerge köre öz topraqlarından işğal etilgen Qırımğa 500 biñden ziyade vatandaşını köçürdi.