İşğalniñ ekologik aqibetleri

Yarımadanıñ unikal tabiiy baylıqları yedi yıl devamında işğalci devlet tarafından yoq etile. 

Yarımadanıñ arbiyleştirilüvi, onı arbiy bazağa çevirilüvi yalıñız yarımada içün degil, bütün Qara deñiz bölgesi içün daimiy ekologik telüke menbasıdır. İşğal şaraitinde qoruq yerleri pek sıq-sıq arbiy talimler içün qullanıla.  

Ekologlar, Keriç boğazı üzerindeki köpürniñ ve «Tavrida» federal magistral yolunıñ quruluvı neticesinde Azaq ve Qara deñizleriniñ ekologiyasına tüzetilmez zarar ketirilgenini bildireler. 

Resurslarnıñ çıqarılması ekosistemağa keri qaytarılmaz zarar ketire – nebatat ve ayvanlar öle. 

Bundan ğayrı, rus işğalciler, Keriç yaqınlarındaki Yuqarı-Çürübaş ve Aşağı-Çürübaş göllerinde «Tavrida» yolunıñ quruluvı içün zeerli qum qazıp çıqara. 

Qoruqlarnıñ statusını ğayrıdan bıqılmasını manaçıq etip, olarnıñ meydanlığı qısqartıla. Şu topraqlarda ise birden qurucılıq başalna. 

Qırım yarımadasında milliy emiyetli Ukrainanıñ tabiat qoruq fondunıñ 48 qıymetli obyektinden 40-ı regional emiyetli statusına endirildi. Bu, olarnı suistamal alları ögünde soñ derecede  zayıf ete, çünki anda sanayı ve raatlıq leyhalarınıñ ömürge keçirilmesine imkân bere. 

Yıqıluvğa oğratılğan qoruqlarnıñ umumiy meydanlığı 153 gektardır, 110 000 gektardan çoq orman Qırımdaki işğalci organlarnıñ faaliyetinedn zarar kördi. 

Rus işğalciler yarımadada arbiy infraterkipniñ inkişafı içün suvdan çoq faydalana, bu da onıñ yoq olmasına sebep ola. Bunıñ neticesinde yarımadanıñ ealisi suv qıtlığından zarar köre.