Mecburiy pasportlaştırma

Qırımnı ilhaq etmek ıntıluvından soñ, rus işğalciler yarımadanıñ ealisine zorla Rusiye pasportlarını aldırttı. Vatandaşlar Rusiye pasportlarını almaqtan red etken taqdirde, tibbiyet hızmetler, içtimaiy yardım, pensiya almağa ve diger aqları suniy sıñırlana edi. Ukraina vatandaşları işğal etilgen yarımadadaki öz evleriniñ, mülküniñ, biznesiniñ saibi olaraq qalmaq içün Rusiye pasportını almağa mecbur ediler. 

RF prezidenti V.Putinniñ Ukraina vatandaşlarını muvaqqat işğal altında olğan Qırımda topraq saibi olmaq imkânından marum etken fermannı imzalaması, Rusiye vatandaşlığınıñ qabul etilmesi yolunda atılğan daa bir adımdır. 

Bazı Qırım sakinlerine Rusiye vatandaşlığı olarnıñ resmiy razılığı olmadan berildi. Oleg Sentsov ve Oleksandr Kölçenkoğa tevqiften soñ zorla Rusiye pasportı berildi. Bu sebepten Ukraina konsulları çoq vaqıt devamında olarnen körüşip olamay ediler.