NATO
NATO 2014 senesi Rusiyeniñ tecavuzı başlanğandan berli izçenliknen Ukraina topraq bütünligi ve suverenitetini destekley, Ukrainağa qarşı Rusiyeniñ tecavuzını ve onıñ qısmı olğan topraqnıñ işğalini takbih ete. 2014 senesi kiçik aynıñ 27-nde Ukraina-NATO Komissiyasınıñ mudafaa nazirleriniñ seviyesinde oturışı ve 2014 senesi saban ayınıñ 2-nde Ukrain-NATO komissiyasınıñ acele oturışı vaqtında NATO 1997 senesi tarihlı Ukraina ile hususiy işbirlik Hartiyasına sadıqlığını bir daa tasdıqladı, Ukraina topraq bütünligi, suvereniteti ve mustaqilligine destegini bildirdi, RF-nıñ Ukraina topraqlarındaki areketlerini takbih etti. O vaqıttan berli NATO-nıñ Ukraina topraq bütünligini desteklemesi defalarca tasdıqlandı.
Qara deñiz bölgesinde telükesizlikniñ yahşılaştırılması maqsadı ile, 2019 senesi çiçek ayınıñ 4-nde NATO-nıñ 70-ncı yıldönümi munasebeti ile keçirilgen tedbirler vaqtında Qara deñizde Telükesizlik meselelerden tedbirler qabul etildi. Bular közde tutula:
- Ukraina içün Deñiz veziyetiniñ malümatlılığı leyhasınıñ başlanması;
- deñiz quvetleriniñ ve yalı muafazasınıñ azırlanuvı;
- liman ziyaretleri ve talimler;
- Ukraina, NATO ve aza devletleriniñ deñiz komandanlığı arasında alâqa quruluvı;
- Ukraina ve NATO arasında malümat alıp-berüvniñ keñleştirilüvi.
- 2020 senesi ilk yaz ayınıñ 12-nde NATO ŞAŞ-nıñ qararınen Ukrainanı keñ imkânlar ile ortaq olaraq tanıldı.
Rusiye Federatsiyasınıñ Ukrainağa qarşı tecavuzını takbih etken, NATO PA-da RF-nıñ ortaq azası mandatını toqatqan ve 2014 senesinden RF ile institutsional dialognı desteklemegen NATO Parlament Assamblesı da izçenliknen Ukrainanı destekley. 2019 senesi orta küz ayında NATO PA küz sessiyasında Ukrainağa strategik ortaq olaraq destek berilmesi qayd etildi. 2020 senesi quralayında NATO PA-nıñ baar sessiyasını ilk sefer Kyivde keçirmek qararı Ukrainağa tesirli bir destek oldı.