Qırımnıñ medeniy ve tarihiy asabalığınıñ yoq etilmesi

Rusiye işğalci memuriyeti muvaqqat işğal etilgen Qırımda maddiy medeniy asabalıqqa qarşı qanunsız faaliyet keçire. RF medeniy zenginliklerni yarımadadan Rusiye qıtasına köçüre ve Qırım boyunca qazuv işlerini yapa. Bundan ğayrı, Sudaq şeeri yaqınlarında ve Keriç boğazında suvastı atiqiyat qazmaları da keçirile. 

Müzey obyektleri, hususan Bağçasaraydaki Hansaray yoq etile. Bu obyektlerni qorçalamaq içün Ukraina 1954 senesi tarihlı Silâlı çatışma olğan taqdirde Medeniy zenginliklerniñ qorçalanması aqqında Gaaga şartnamesiniñ Ekinci protokolına qoşuldı. 

Rusiye Federatsiyasınıñ daimiy bozğan bu vesiqanıñ eñ emiyetli maddelerinden biri işğal etilgen topraqlarda medeniy servetlerniñ qorunması ile bağlı 9-ncı maddedir. 

Oña köre, diger memleketniñ toprağını qısmen ya da bütünley işğal etken taraf:

a) medeniy servetlerniñ qanunsız ihracını, qanunsız köçürilmesini ya da qanunsız olaraq mülkiyet aqqınıñ başqasına berilmesini; 

b) medeniy servetlerniñ qorunması, qaydı ya da saqlap qalması talap olunmağan taqdirde iç bir atiqiyat qazmalarını; 

v) medeniy servetlerniñ qullanılmasında iç bir deñişmeni yapıp olmaz.