UNESCO

Yarımadanıñ işğali başlanğanından berli UNESCO İcra şurası tarafından «Qırım MC-de (Ukraina) vaziyetni nezaret etüv» on eki qarar qabul etildi. Bu, altı yıldan çoq devam etken müddette Rusiye tarafından işğal etilgen Qırımnıñ meselelerini teşkilâtnıñ faaliyetiniñ kün tertibinde olğan müim meseleler cedveline kirsetmege ve aynı zamanda teşkilâtnıñ mesül olğan bölgelerde Qırım MC ve Aqyar şeerinde insan aqlarınıñ vaziyetine dair  UNESCO-nıñ er taraflı monitoring mehanizminiñ şekillenüvine imkân berdi. 

Ukraina tarafınıñ teşebbüsi ile  UNESCO-nıñ Baş müdiri muntazam şekilde işğal etilgen Qırımda insan aqları meseleleri ile bağlı malümat körüşüvler keçire. 

2021 senesi kiçik ay itibarınen 11 malümat körüşüvi keçirildi. Tedbirler vaqtında  milliy azlıqlarnıñ aqları saasında yarımadada insan aqlarınıñ bozulması ile bağlı tafsilâtlı malümat berile.