Hırvatistan paytahtı Zagrebte 2022 yılı orta küz ayınıñ soñunda olıp keçecek birinci Parlament toplaşuvına azırlıq ketmektedir. Toplaşuvnıñ esas programması olğan umumiy oturımnen beraber aynı zamanda merasimde muzakere panelleriniñ keçirilüvi de planlaştırılğandır. Olar, Toplaşuvnıñ musafirleri olğan çeşit devletlerniñ parlament azalarına, Hırvatistan ükümet azalarına, mediyacılarğa buyük istilânıñ başlanılmasından soñ işğal etilgen Qırım aqqında daa da çoq malümat berecek. Bunen beraber Qırımnıñ reintegratsiyası aqqında Ukraina ükümet azaları ve halqara ekspertleri iştirak etecek bir muzakereniñ ötkerilmesi teklif etilecektir. Reintegratsiya suallerinde Hırvatistanda olğan tecribe ise bu meseleni daa da müim etmekte.