“Crimea Global. Understanding Ukraine Through The South” konferentsiyasınıñ neticeleri. 

14-16 oktâbr künleri arasında Kıyivde “Crimea Global. Understanding Ukraine Through The South” adlı halqara konferentsiyada dünyanıñ çeşit köşelerinden temsilcilerni toplağan büyük bir tedbir keçti.

Tedbirde İndistan, Katar, Malayziya, Nikaragua, Urugvay, Keniya, Fillipinler, Türkiye, Avstriya, Estoniya, İtaliya, Argentina, Meksika, Kolumbiya, Sudan, Çili, Ermenistan, Braziliya, Libya, Ganadan kelgen, İran ve Suriyeniñ opozitsiyası olğan ekspert, ilmiy, içtimaiy temsilciler iştirak ettiler.

Episi olup konferentsiyada em şahsen, em online şekilde iştirak etken 300-den çoq iştirakçi bar edi. Panel muzakerelerge öz tecribesini ve bilgilerini tarqatqan Asiya, Afrika ve Latin Amerikadan kelgen 35 belli spiker qoşuldı.

Konferentsiya, Ukraina Prezidentiniñ Qırım Muhtar Cumhuriyetindeki Temsiliniñ teşebbüsinen kerçekleşti. Bu fikir, “Halqara Ukraina Ğalebesi merkezi”, “İnsan aqları içün media teşebbüs”, Ukraina Helsinki insan aqları birligi, “Halqara insan aqları ortaqlığı”, “ZMINA insan aqları merkezi”, Qırım platforması ofisi tarafından desteklengen “Ukraina. Saba beşte” koalitsiyası” kibi içtimaiy sektordaki ortaqlar tarafından destek etildi ve kerçekleştirildi. Temsil olarnen beraber faal şekilde merasimge qoşulmaqta edi.

Açılış sırasında Ukrainanıñ birinci vitsepremyer-ministri Yuliya Svırıdenko, Ukraina Yuqarı Şurası Başı Ruslan Stefançuk, Daimiy Temsilci Tamila Taşeva, Ukrainanıñ Yaqın Şarq ve ve Afrika meselelerinde mahsus temsilcisi Maksım Subh, ZMINA insan aqları merkeziniñ başı Tetâna Peçonçık, Qırımtatar.