Qırım platforması, Ukraina prezidentiniñ teşebbüsinen yaratılğan ve Qırımnıñ devam etken işğaline halqara qarşılıqnıñ semeriligni arttırmaq, artqan telükesizlik tehditlerine cevap bermek, Kremlge halqara tazyıqnı arttırmaq, insan aqlarınıñ daa da bozulmasınınıñ qarşısını almaq ve işğalci rejimniñ qurbanlarını mudafaa etmek ve Qırımnı işğalden azat etmek ve Ukrainağa qaytarmaq maqsadı olğan yañı halqara mesleatlaşma ve koordinatsiya formatı.

Qırım platforması,  halqara teşkilâtlar, diger halqara ükümetke bağlı olğan ve bağlı olmağan forumlar çerçivesinde Qırım mevzusında bütün mevzulı tedbirler ve teşebbüslerni imayesi altına toplamaqnı közde tuta. 

Platformanıñ faaliyeti bütün seviyelerde ömürge keçirilecegi farz oluna: bu em devlet ve ükümet başları, em tış işler nazirleri, em parlament azaları ve ekspertler.

Platformanıñ esas iş saaları bulardır:

• Qırım MC ve Aqyar şeerini işğal etmege ıntıluvnıñ tanımama siyaseti;
• telükesizlik ve dolaşuv serbestligi;
• sanktsiyalar;
• insan aqlarınıñ ve halqara gumanitar uquqnıñ bozuluvı;
• ekologik ve iqtisat telükeleri. 

Parlament meydanında, 2020 senesi ilk qış ayında Ukraina Yuqarı Radasında yaratılğan «Qırım platforması» Fraktsiyalarara birleşmesi müim yer alacaq. Fraktsiyalarara birleşmesi parlamentlerara dostluq gruppaları ve halqara teşkilâtlarnıñ parlament assableyaları çerçivesinde çalışacağı beklenile.