Ükümet tışı sahasını Qırım platformasınıñ Ekspert ağı teminlemektedir. O (Ekspert ağı), Platformanıñ işlemesi içün, malümatiy, analitik ve bağlanuv destek bergen ukrain ve yabancı ekspertlerni, alimlerni, uquq qorçalayıcılarnı birleştire. Qırım platformasınıñ Ekspert ağı yedi sahada çalışa:
- Sanktsiyalar siyaseti;
- İnsan aqları ve halqara içtimaiy aqlar;
- Telükesizlik közetüvi;
- Medeniy miras;
- İçtimaiy siyaset;
- Ekologiya ve iqtisat;
- Qırım tamır halqlarınıñ aqları.
Qırım platformasınıñ Ekspert ağı, Qırım rusiye tarafından işğal etilgeninden soñ çıqqan zorluqlarnı inceley, Platformanıñ ükümet sahası içün tevsiyeler azırlay ve halqara advokatsiyasını temin ete. Ekspert ağınıñ faaliyetini desteklemek içün, “Şarqiy Avropa” fondı tarafından isse qoşma programması yaratılğan edi. 6 arman 2021de Kiyevde Qırım platforması Ekspert ağınıñ tesis forumı keçken edi. Forumda elçihane vekilleri yerli ve yabancı ekspertler iştirak etti. Tedbirni Ukraina tış işleri naziriniñ baş muavini Emine Ceppar açqan edi.