2014 senesi Rusiye yalıñız Qırım Muhtar Cumhuriyetini degil, Qara ve Azaq deñizleri suvlarınıñ büyük qısmını işğal etti. Rusiyeniñ halqara qanuniy nizamnı toqtamayıp bozmaq ıntıluvları Azaq ve Qara deñiz havzasındaki telükesizlik meselesini dünya telükesizliginiñ global konfiguratsiyasından ayrı baqmaq imkânsız olğanını köstere.
Qırım yarımadasınıñ işğali, qomşu regionlarnıñ telükesizligine ve global oyuncılarnıñ menfaatlarına tesir etti. Laf tek arbiy telükeler aqqında ketmey. Mevcut halqara siyasiy kerçekliklerde Qara deñiz regionınıñ rolü keniş telükesizlik ceetinden tez artsa da, Rusiyeniñ arbiy ambitsiyalarını bitaraflaştıruv ve Rusiye Federatsiyası tarafından halqara deñiz uquqı qaideleriniñ bozuluvına berilecek añlayışlı ve ardı-sıra cevapnı şekillendirüvnen bağlı strategik teşebbüs alâ daa yoq ve yüksek isteksizlik bar.