İsveçiya Tış işler naziri M. Wallströmnıñ New Yorkta BM Baş Assambleyasınıñ 71-inci sessiyasınıñ işi çerçivesinde yapqan çıqışı

Bunı Ukrainada köremiz. Anda silâlı zıddiyet devam etkenini unutmamaq kerekmiz. Rusiyeniñ qanunsız Qırım ilhaqı ve onıñ Şarqiy Ukrainada arbiy bulunuvı BM Nizamnamesi ve halqara uquqnıñ büyük bozuluvı olıp qala. Ve aynı vaqıtta bu areketler “Suvuq cenk” bitken soñ Avropa telükesizligi içün eñ büyük mesele ola. Ukraina öz toprağını yañıdan kontrol altına almalı. Ukraina ükümeti intensiv islâatlarnı keçirmek içün qolay olmağan çezimler tasdıqlamalı. Aynı vaqıtta, Rusiye az şey yaptı: Rusiye ordusı Şarqiy Ukrainada qalmağa devam ete, OSCE separatistler kontrol etken 4 rayonğa kirip olamay. Buña qoşma olaraq regionımızda agressiv propaganda artqanını köremiz. Şunıñ içün Baltiya memleketlerinde, Ukrainada ve Şarqiy ortaqlıq memleketlerinde serbest ve mustaqil kütleviy haber vastalarına qol tutamız. Yañlış malümat ve açıq yalan cevapsız qalmamalı.