Din serbestliginiñ bozuluvı

Rusiye, Moskvanıñ nezaret etmegen bütün din cemiyetlerini sıqıştırıp çıqarmaq içün muntazam bir siyaset keçire: Ukraina Ortodoks Kilsesi (UOK), Yegovanıñ Şaatları, musulman cemiyeti. 

2014 senesinde, işğalden evel, Qırımda 2083 diniy teşkilât faaliyet kösterdi. Olardan yalıñız 700-ge yaqı Rusiye qanunlarına köre ğayrıdan qaydiyetten keçip oldı. 

Diniy teşkilâtlar arasında eñ büyük zulumğa Qırımdaki  Ukraina Ortodoks Kilsesi oğratıla. O, vaqtınca işğal etilgen topraqlarda ukrain kimligini yoq etüv siyasetiniñ ve işğalge razı olmağanlarnı sıqıştırıp çıqaruv siyasetiniñ parçasıdır. 

İşğal başlamazdan evel, o zaman UOK Kyiv Patriarhlığınıñ cemaatı yarımadada azlıqta edi: Kyiv Patriarhlığı cemaatınıñ sayısı UOK Moskva Patriarhlığı cemaatınıñ sayısından 14 qat az edi. Albuki, işğalden evel faaliyet köstergen 5 biñ dindar, 4 papaz ve 46-dan 9 din cemiyetinden ibaret olğan UOK-niñ nisbeten emiyetsiz din cemiyeti bugünde daimiy tazyıqqa oğratıla ve taqip etile. 2020 senesi Ukraina Ortodok Kilsesiniñ cemiyeti Aqmescitteki baş kilsesiniñ 2,95 grn (0,09 yevro) borcuna köre quvuldı, Kezlevde ise işğalciler UOK tapınağını yıqmağa emir etti. 

Öz qanunlarını qanunsız olaraq Qırım MC ve Aqyar şeeri topraqlarına tarqatıp, Rusiye Rusiyede ekstremistik tanılğan (RF CQ 282.2 maddesi 1 qısım) «Yegovanıñ Şaatları» din teşkilâtınıñ faaliyetini yasaq etti. Bugünde-bugün bu dava boyunca yedi Ukraina vatandaşı tevqif etilgen. Olar, Rusiye Federatsiyası Ceza qanunnamesiniñ «Ekstremist teşkilâtı faaliyetiniñ teşkili» maddesine binaen (RF CQ 282.2 maddesi 1 qısım) esassız qabaatlana. 

Rus işğalcilerniñ nezaretinde olğan «Qırım Cumhuriyeti ve Aqyar şeeriniñ Musulmanları Diniy İdaresi» ile işbirlik etmegen musulmanlar ve musulman cemiyetleri daimiy taqiplerge oğratıla. 


Outdated Browser
Для комфортної роботи в Мережі потрібен сучасний браузер. Тут можна знайти останні версії.
Outdated Browser
Цей сайт призначений для комп'ютерів, але
ви можете вільно користуватися ним.
67.15%
людей використовує
цей браузер
Google Chrome
Доступно для
  • Windows
  • Mac OS
  • Linux
9.6%
людей використовує
цей браузер
Mozilla Firefox
Доступно для
  • Windows
  • Mac OS
  • Linux
4.5%
людей використовує
цей браузер
Microsoft Edge
Доступно для
  • Windows
  • Mac OS
3.15%
людей використовує
цей браузер
Доступно для
  • Windows
  • Mac OS
  • Linux