Söz serbestliginiñ bozuluvı

İşğal başlanğanından berli uquq qoruyıcılar jurnalistlerniñ aqlarınıñ 300-den çoq kere bozulğanını qayd eti. Yarımadada söz serbestliginiñ sıñırlanılması ile bağlı büyük esnas RF ekstresit faaliyetine qarşı qanunlar, ayırılıqçılıqqa çağıruvlarğa köre cinayet taqip, jurnalistlerge memuriy tazyıq, esassız yaqalavlar, ücümler, tehditler, mustaqil KHV yoq etilüvi, alternativ haber menbalarınıñ blok etilüvi yardımı ile keçirile. 

İşğalden evel Qırımda qayd olunğan 3000 kütleviy haber vastadan yalıñız 232-si ğayrıdan qaydiyetten keçip oldı. Aynı zamanda 12 mustaqil qırımtatar haber vastası taqipler sebebinden vaqtınca işğal etilgen yarımadanı terk etmek mecburiyetinde qaldı. 

2020 senesi aralıq ayınıñ 10-nda Rusiyeniñ nezaretinde olğan «Qırım Yuqarı mahkemesi» ATR birinci qırımtatar televizion kanalınıñ saibi Lenur İslâmovnı 19 yıl sert apis cezasına ğıyabiy şekilde mahküm etti. O, qabaatlavnıñ bütün noqtalarına istinaden qabaatlı tanıldı – «diversiyalarnı teşkil etüv, qanunsız silâlı birleşmeni quruv ve Rusiye topraq bütünliginiñ bozuluvına çağıruv».

2021 senesi çiçek ayınıñ 20-nde rus işğalci akimiyet «Qırım» gazetiniñ baş muarriri Bekir Mamutovnı Qırımtatar Milliy Meclisi añılğan BMT Baş kâtibiniñ maruzasını gazette derc etkeni içün  para cezasına mahküm etti. 

Mustaqil kütleviy haber vastalarını işğal etilgen yarımadadan sıqıştırıp çıqarğan Rusiye, bugünde-bugün 8 vatandaş jurnalistni qanunsız olaraq tevqif etti, daa biri ev apsinde buluna. 

2021 senesi saban ayınıñ 10-nda Azatlıq Radiosınıñ jurnalisti Vladislav Yesipenko uydurma qabaatlarndan Qırımda tutuldı. Tevqif etilgeninden tek bir ay soñra mustaqil advokatlar davasınen oğraşıp başlap oldı. O Rusiye qanun qoruyıcı organları tarafından iskencelerge oğratıldı. Vladislav 18 yıl apis cezasına mahküm etile bile.


Outdated Browser
Для комфортної роботи в Мережі потрібен сучасний браузер. Тут можна знайти останні версії.
Outdated Browser
Цей сайт призначений для комп'ютерів, але
ви можете вільно користуватися ним.
67.15%
людей використовує
цей браузер
Google Chrome
Доступно для
  • Windows
  • Mac OS
  • Linux
9.6%
людей використовує
цей браузер
Mozilla Firefox
Доступно для
  • Windows
  • Mac OS
  • Linux
4.5%
людей використовує
цей браузер
Microsoft Edge
Доступно для
  • Windows
  • Mac OS
3.15%
людей використовує
цей браузер
Доступно для
  • Windows
  • Mac OS
  • Linux