Ukraina ve vatandaşlarınıñ Qırımdaki mülküniñ qanunsız istimlâqı

Qırım MC ve Aqyar şeeriniñ qanunsız işğalinden soñ RF Ükümeti devlet organlarınıñ ve yerli özidare organlarınıñ yurisdiktsiyasında olğan devlet mülküniñ istimlâqını ve devletleştirüvini başladı. Çoqusı allarda, Ukrainanıñ Qırım MC toprağında devlet mülküniñ qanunsız devletleştirilüvi «Qırım Cumhuriyeti Devlet şurası»nıñ qararları ve «Qırım Cumhuriyeti Nazirler şurası»nıñ buyurıqlarınıñ qabul etilmesi yolu ile ömürge keçirile edi. 

2014 senesi saban ayınıñ 17-den ilk küz ayınıñ 3-nece «QC DŞ» 15 qarar çıqardı, olarnıñ esasında Ukraina İnfraterkip nazirliginiñ, Ukraina agrar siyaseti ve erzaq nazirliginiñ, Fevqulâde vaziyetlerden Ukraina devlet hızmetiniñ, Ukraina Ekologiya ve tabiat resursları nazirliginiñ, Ukraina Tasil ve ilim nazirliginiñ, «Ukraina deñiz limanları memuriyeti», AAŞ «Ukraina yerastı baylıqlar» Milliy aktsiyalı şirket» kibi devlet müessiseleriniñ, Ukraina devlet hızmetler ve teftişiniñ ve ilâhre mülküni istimlâq etti. 

Bundan ğayrı, 2014 senesi devamında yarımadada faaliyet köstergen eñ büyük müessise ve maliye teşkilâtlarnıñ mülkü de devletleştirildi. «Qırım Cumhuriyeti parlamentiniñ» çıqarğan 28 qararı esasında AAŞ  «Krimavtotrans» Aktsiyalı şirket», AAŞ «Ukrtelekom», HAŞ «Kıyivstar», HAŞ «Şarqiy Qırım yenergetika şirketi», AAŞ «Krımenergo»nıñ Qırımdaki filialları,  AAŞ «Kerçgaz», «Ukrgazprom» hususiy şirket ve digerleri devletleştirildi. Devletleştirüv saiplerine iç bir kefalet berilmeden, şu cümleden tazminat berilecegi aqqında, ömürge keçirildi ve asılında hususiy mülkniñ istimlâqı oldı. 

Misal olaraq, 2020 senesi aralıq ayında «Rusiye» bankınıñ terkibindeki «Cenübiy leyha» sıñırlanğan mesüliyetli şirket Ukrainanıñ devlet mülkü olğan «Massandra» Milily sanayı-agrar birleşmesini qanunsız olaraq satın aldı. Şarap zavodı içün 5 milliard 327 million ruble berildi (73 million dollar).«Rusiye» bankı müdirler şurasınıñ sabıq reisi ve esas aktsiyacısı Yuriy Kovalçuktır, haber vastaları oña «Putinniñ kassacısı» deyler.

İstimlâq hususiy ve uquqiy şahıslarğa da tesir etti. 2014-2017 seneleri devamında Qırım MC ve Aqyar şeerinde işğalciler Ukraina devlet organlarınıñ mülkiyet aqqı qararını ğayrıdan baqıp çıqqan soñ  eñ azından 3800 arazi tutıp alındı. 

Böyle bir qararnıñ misali, RF prezidentiniñ 2020 senesi saban ayınıñ 3 tarihlı 201 nomeralı Fermanı oldı. Oña köre, işğal etilgen yarımadanıñ aman-aman bütün topraqları «çetel vatandaşlarınıñ, vatandaşlığı olmağan şahıslarnıñ ve çetel uquqiy şahıslarınıñ mülkiyet aqqınen topraq saibi ola bilemeycek sıñır boyu topraqlar cedveline kirsetildi» (RF prezidentiniñ 2011 senesi qara qış ayınıñ 9 tarihlı 26 nomeralı Fermanı ile tasdıqlanğan).



Outdated Browser
Для комфортної роботи в Мережі потрібен сучасний браузер. Тут можна знайти останні версії.
Outdated Browser
Цей сайт призначений для комп'ютерів, але
ви можете вільно користуватися ним.
67.15%
людей використовує
цей браузер
Google Chrome
Доступно для
  • Windows
  • Mac OS
  • Linux
9.6%
людей використовує
цей браузер
Mozilla Firefox
Доступно для
  • Windows
  • Mac OS
  • Linux
4.5%
людей використовує
цей браузер
Microsoft Edge
Доступно для
  • Windows
  • Mac OS
3.15%
людей використовує
цей браузер
Доступно для
  • Windows
  • Mac OS
  • Linux