2021 senesi arman ayınıñ 23-nde Kyivde Qırım platformasınıñ tesis Sammiti olıp keçecek. 

Sammitte çetel devletleriniñ, ükümetleriniñ, parlament ve halqara teşkilâtlarınıñ başları ve vatandaş cemiyetiniñ temsilcileri iştirak etecek. 

Sammitniñ maqsadı «Qırım Ukrainadır» mevamı etrafında dünya toplulığınıñ birligini köstermek, Qırım ve onıñ etrafında RF cinayetlerini ayıplamaq, işğalden azat etüv halqara siyasetiniñ parametrlerini belgilemek. 

Sammit resmiy şekilde Qırım platformasınıñ temelini qoyacaq. Qırım platforması – Ukraina prezidenti Volodımır Zelenskıynıñ teşebbüsinen Ukraina Tış işler nazirligi tarafından yaratılğan yañı halqara mesleatlaşma ve koordinatsiya formatı. 

Sammitte, Qırım ile bağlı halqara siyasetiniñ esas parametrlerini belgileycek Ortaq beyanname qabul etilecek.