İşğalciler, jurnalist Serğiy Tsığipağa qanunsızca 13 yıl koloniya cezasını berdiler.

Göñülli ve jurnalist Serğiy Tsığipa qanunsız şekilde Qırımnıñ “Yuqarı makemesi” tarafından 13 yıl koloniyağa makeme etildi. Qanunsız “qarar” 6 oktâbr künü adaletsiz olğan “casuslıq” qabaatlavına dayanaraq berildi.

Serğiy Tsığipa – endi aman-aman bir yarım yıldan berli Rusiye esiri olğan Yañı Kahovkalı yazıcı, jurnalist ve göñüllidir. O, öz aktiv Ukraina tarafdarlığı ve aynı zamanda göñüllilik faaliyeti içün esir alınğan, çünki Serğiy Tsığipa tam miqyaslı istilânıñ başlağanından berli öz semetdeşlerine aş ve ilâc yardımını bere edi. Bunen beraber Serğiy Tsığipa öz jurnalist faaliyetini devam etti ve işğalcilerge qarşılıq aktsiyasını teşkil etti.

Temsil Ukraina vatandaşınıñ qanunsızca tutulmasını takbih ete. Biz işğalcilerniñ Serğiy Tsığipağa berilgen qararnıñ lâğu etilmesini ve esir etilgen jurnalistniñ serbest bıraqılmasını talap etemiz. Tsığipağa qarşı bütün qabaatlavlar siyasetke bağlı, işğalci memuriyetniñ yapqanları ise halqara uquqqa qarşıdır. İşğalciler tarafından qanunsızca tutulğan bütün siyasiy mabüslerni azat etmek ve vatandaşlarnıñ azatlıq aqqını temin etmek içün dünya cemiyetiniñ diqqatını bu qanunsız qararğa celp etemiz ve Rusiyege yapılğan basqını küçleştirmege çağıramız.